paragon

Paragon, C'est une chose si excellemment, parfaicte, qu'elle est comme une idée, un sep et estelon à toutes les autres de son espece, et lesquelles on rapporte et compare à luy, pour sçavoir à quel degré de perfection elles atteignent. Ainsi dit-on paragon de chevalerie, de preud'homie, de sçavoir. Et en ce qui le voudroit extraire de {{t=g}}paragéin{{/t}} des Grecs, qui signifie aussi admener, acconduire, ce ne seroit pas hors de propos. Autres interpretent ce mot Ab effectu, disans que paragon est Res quae aliis composita ac collata, illas delet sua excellentia. Et le tirent dudit {{t=g}}paragéin,{{/t}} Selon ce qu'il signifie aussi Praeterire, Duquel le participe est {{t=g}}paragôn,{{/t}} Aussi dit-on en François, Il a passé tous les autres en proüesse, de celuy qui excelle en proüesse sur tous autres, d'autant qu'il se trouve quelquesfois escrit parangon (comme aussi l'Italien l'escrit et prononce) le veulent extraire de {{t=g}}paragêônidzomai,{{/t}} qui signifie Obuios et admotos cubito amolior. D'autant que le paragon ne peut avoir son pareil en son espece, et que le François dit aussi, Nompareil, pour ce mesmes: mais c'est le repatrier trop loing.

La perle ou le paragon des advocats, Patronorum et causidicorum, Tullius. Budaeus.

Thresor de la langue françoyse. Jean Nicot.